Usurbilgo jaien osterako Udalak iragarriak zituen asfaltatze lanak azken txanpan dira jada. Ostegun honetan, uztailaren 6an, Puntapax kalean ari dira obretan. Ibilgailuen joan etorrirako itxita dago une honetan.
Aurretik, gogoan izan; Kale Nagusian hasi ziren astearte goizean asfaltatze lanetan, biharamunean San Inazio kalean jardun zuten hilerri zaharraren parean. Puntapax kalean ere atzo bertan hasi ziren, "Erdiguneko biribilgunean hasi, eta Puntapax 6B-ra arteko tartean egingo dute lan" , ohartarazi du Usurbilgo Udalak.