Datorren 2023-24 denboraldian senior nesken eskubaloi taldea osatzeko ahalegin betean da Usurbil Kirol Elkartea. Helburu honekin maiatza hasieran deitutako bilkuraren ondotik, biltzeko deia egin dute azken orduotan sare sozialen bidez, asteazken honetarako, uztailaren 19rako, arratsaldeko 17:30etan Oiardo kiroldegiko bilera gelan.
Hitzorduan parte hartzera deitu dituzte datorren denboraldian bertan parte hartzeko gogoa dutenei. "Hurrengo denboraldira begira eskubaloian jolastu nahi baduzu senior neska mailan, asteazken honetan 17:30tan bilera burutuko dugu Oiardo kiroldegiko bilera-gelan. Anima zaitez!!", deitu dute Usurbil K.E.-tik.
Bilerara joan ezin arren, interesa duenak, herriko eskubaloi taldeen bilguneak dituen sare sozialen bidez hartuemanetan jartzeko mezua zabaldu du.
Maiatzean deitutako bileraren ondotik, asteazken honetarako hitzartu dituzte datorren denboraldian senior nesken eskubaloi taldean aritzeko gogoa dutenak.