Akabo udako etenaldia, ikastetxeetako ateak zabaltzear dituzte. Langileak hilabete hasieratik itzuliak dira, haur eta gazteen txanda orain; abiatzera doa 2023-24 ikasturtea. Ikasgeletara itzultzen lehenengoetarikoak Udarregi ikastolako DBH zikloan ikasten arituko direnak. Asteazken honetan, hilaren 6an izango dute aurkezpen saioa goizeko 11:00etan. Biharamunean itzuliko dira HH eta LHkoak, irailaren 7a baita ofizialki, Udarregin nahiz Aginaga eta Zubietako eta gainerako ikastetxeetan ikasturte berriari ekiteko egun ofiziala.
Lanbide Eskola
Ostegunerako, irailaren 7rako finkatua du 2023-24 ikasturte berriaren hasiera. Etzi egingo dute "ikasleen harrera".
09:00 Erdi mailako zikloetakoei harrera: mekanika, elektrizitatea, mantentze eta administraritza.
09:20 Goi mailako zikloetakoei harrera:
-A eredua: administraritza, mekanika, informatika eta ostalaritza.
-B eredua: robotika, efizientzia energetikoa.
9:40 D eredua: mantentze, energia berriztagarriak, administraritza eta mekanika.
10:00 Bigarren mailako taldeei harrera geletan tutoreekin.
Zumarte musika eskola
2023-24 ikasturtea abiatzear dute baita musika eskolakoek. Web orrialdetik ohartarazi dutenez, asteazken honetan bertan, irailaren 6an abiaraztekoak dira denboraldi berria.
Gaztelekua
12 urtetik gorako gazteei zuzenduriko egitasmoko egoitza, datorren astelehenetik, irailaren 11tik aurrera zabalik izango da berriz astean hirutan, ohiko ordutegian:
-Astelehenetan: 16:30-19:30.
-Ostegunetan: 16:30-19:30.
-Larunbatetan: 16:00-19:00.
Informazio gehiago Gaztelekua zabaltzen duten ordutegian (San Inazio kalea, 3), gaztelekuausurbil@gmail.com helbidean, edo 688 713 838 telefono zenbakian.
Egunotan abiatuko dute 2023-24 ikasturte berria ikastetxeetan.