Urriko azken larunbatarekin batera, Usurbilgo Euskal Kantu Taldeak deitutako kantu-jira egin dute herrian barrena.
Belaunaldiarteko topalekua izan da larunbat honetako kantu-jira. Ohiko taldeko kideek bidelagun gehiago ere izan dituzte, herriko gaztetxoak, bai Mikel Laboa plazan hasitako biraren abiapuntuan, baita gerora ere, esaterako, Sagardoaren plazan egin duten bigarren geltokian.
Denek batera, kantu-liburuxkak eskuartean hartu eta errepaso ederra eman diote euskal kantutegiari.
Gogoan izan, astelehenero biltzen da ikastarorako Usurbilgo Euskal Kantu Taldea 18:00etan Agerialdeko musika gelan. Hilero azken larunbatetan, aldiz, kantu-jirarako. Hurrengoa, azaroaren 25ean izango da.