Abenduaren 16an Orbeldi Dantza Taldekoak Sutegiko oholtza gainera igoko dira, azkenaldian landu duten ikuskizuna plazaratzera; “Bihotz dantza begietan”. Arratsaldeko 18:00etan hasiko da eta emanaldirako sarrera doakoa izango da.
Halaxe iragarri dute hitzordua Orbelditik, sare sozialen bidez. "Larunbat honetan urte amaierako emanaldia eskainiko dugu 18:00tan Sutegin. Xabier Lizardiren poesia eta euskal dantza elkartuko dituen ikuskizun berezia izango da. Ez galdu!!".
