Kantua, olerkigintza, literatura, musika, tertulia goxoa... Denetariko osagai erakargarriak izan zituen Usurbilgo Udalak antolatuta, ostiral iluntzean Sutegin egin zuten literatura emanaldi musikatu bereziak. Lau sortzaile batu zituen hitzorduak kultur-etxeko auditorioko oholtza gainean. Batetik, bi idazle; Joseba Sarrionandia eta Joxemari Iturralde. Bestetik, Iñar Sastre musikaria eta Olatz Prat abeslaria.
