Kontsumo ereduari buruz Aztarrika Usurbilgo Gazte Asanbladak eta herriko beste eragile batzuek (Kafe Tertulia Usurbilgo Neska* Gazte Feministen Taldea, Usurbilgo Ernai) antolatutako topaketen baitan, abenduaren 15, 17 eta 19an material bilketa egin zuten Sutegiko erakusketa aretoan AztarriTruk ekimenerako. Jendea animatu zen etxean azken denboraldian bildu eta erabiltzen ez duen materiala biltzera eta bilketa arrakastatsua egiteko aukera izan zuten antolatzaileek: arropa, liburuak, diskoak...