“Gabonak kontsumismoa edo tradizioa?” galdera honen jiran, egungo kontsumo eredua hizpide duten topaketak antolatu dituzte Usurbilgo gazte mugimenduko eragileek lankidetzan; hau da, Ernai gazte antolakundeak, Aztarrika gazte asanbladak eta Kafe Tertulia Usurbilgo Neska* Gazteen Talde Feministak.
Asteburuko AztarriTruk bigarren eskuko azokaren eta AztarriKant kantu saioaren ostean, topaketok amaitzeko, jardunaldi eguna iragarri dute astearte honetarako; batetik, gai honetan gabonen testuinguruan ditugun rolez arituko dira zaintza hizpide izango duten goiz partean; egungo kontsumo modua ertz ezberdinetatik aztertu nahi dute arratsaldean. Eguna herriko musikariekin agurtuko dute.
Usurbilgo gazte mugimenduaren topaketak
Abenduak 26, asteartea
11:30 Kafe Tertuliak antolaturiko "gabonetan ere nork zaintzen gaitu?" hausnarketa saioa Potxoenean.
17:00 "Kontsumismoaren hamaika aurpegi: larrialdi klimatikoa eta pobrezia aztergai” mahaingurua Potxoenean.
20:00 Kontzertuak Aitzaga aurrean: Txiskeroak, Anuk eta Elene.
Antolatzaileak: Aztarrika Usurbilgo Gazte Asanblada, Kafe Tertulia Usurbilgo Neska* Gazte Feministen Taldea, Usurbilgo Ernai.