Mobilizatzeko deia egin du LAB sindikatuak ostiral eguerdi honetan, urtarrilaren 26an. Elkarretaratzea deitu du 13:00ean Mikel Laboa plazan. Lan istripuen salaketa kaleratu nahi du eta herri erdigunera ekarri aipatu sindikatu abertzaleak. Izan ere, berriki herriko lantegi batean izandako ezbehar larria salatu eta bertan kaltetutako langileari elkartasuna adierazi nahi zaio deialdi honen bidez.
Herrian zehar eseki dituzten kaleetan jarritako kartelek argi adierazten duten moduan, "lan istripu gehiagorik ez! Prekarietatea hiltzailea" aldarripean deitu du LAB-ek biharko elkarretaratzea.
Sindikatu berak gogorarazi duenez, iaz 59 langile hil ziren lan-istripuetan. Urte berriko 25. egun honetan garenean, dagoeneko 9 dira sindikatutik salatu duten moduan, Euskal Herrian prekarietateak hildako langileak.
