Txikienak goiztiarrenak aurtengoan ere. Erakustaldi bikainarekin ekarri digute, gainera, inauteri giroa gure artera, Udarregi ikastolako HH ziklokoek. Koloretako zakuak soinean, kalejiran plazaratu dira ikastolatik frontoi pareraino. Maila ederreko dantza ikuskizun bikaina eskaini diete bertaratu diren senide eta lagunei. Gogotik dantzatu eta abestu dute.
Emanaldi ostean, hantxe geratu dira gero, hortik gutxira Mikel Laboa plaza zeharkatu duen LH eta DBHkoen desfilea ikusten.
