Uholdeak

Maila gorrian da Oria, hazita eta eguneroko bidetik irten da ohiko tokietan

Noaua Aldizkaria 2024ko ots. 27a, 10:16
Deskargatu Info Ahotsak :

Zubietan, Santuenean edota Txokoalde zein Aginaga aldean, ohiko tokietan, gehienbat erriberetan sartzen ari da Oria astearte goiz parte honetan, azken orduotan izandako euri-jasen ondorioz. Geure inguruan alerta laranja ezabatu dute, baina Gipuzkoa barnealdean ez.

Gogotik egin du euria azken orduotan. Ur hori etenik gabe biltzen ari da Oria eta ahal duen moduan doa itsasorantz. Bere eguneroko bideari ezin eutsi eta ohiko "mugetatik" kanpo irten da azken orduotan. Zubietan Aliri zubiaren bueltan, bide zati bat urpean utzi du ibaiak. Atallun ere goizeko 10:00etarako urak hartzen hasiak ziren Oriatik gertuen zeuden erriberak, Aialde Berri sagardotegian ere atarian zuten ura.

Santueneko zubitik beste bati begira jarri eta segidan dituzuen irudiak jaso ahal izan ditugu; trenbideko zubipea ia erabat urpean. Orian behera segita, Txokoaldera bitarte erriberetan muturra sartzen ari zen astearte goizeko lehen orduan eta bertako Altzonazko zubirantz indarrez eta nabarmen hazita jaisten ari da errioa. Segidan, orain arte sare sozialetara igo ditugun irudien bilduma.

Une honetan, maila gorrian da Oria:

Gizartea