Dena prest dago Usurbil ere "Harro Herri" dela adierazteko. 22:50 aldera sartuko da euskaltzaleen uholdea Zubietako hipodromoko zubitik. Segidan, Zubieta, Santuenea, Kalezar, Kaxkoa eta N634 paretik Atxegalde zein Aginaga zeharkatuko ditu 23. Korrikak, gauerdiaren bueltan lekukoa Mapilen oroitarren esku utzi arte. Tartean, hamar kilometroko bidea izango du lasterketak geure artean; zehazkiago esanda, 1365-1375 kilometro arteko bide-zatia.
Baionara heldu arte ezagutuko ez den, barnean ezkutuan mezua daraman lekukoa herri eragile askoren artean, eskuz esku ibiliko da. Nortzuk eramango duten eta nondik nora zehaztu eta ezagutzera eman du jada Etumeta AEK euskaltegiak. Segidan duzue zerrenda. Horrekin batera, ibilbidea zein den argiago ikusi eta lekuko aldaketak non egingo diren zehazten duen bideoa ere kaleratu dute. Albiste honi atxikia duzue.
Segidan ikusiko duzuen moduan, ia 20 lekuko aldaketa izango dira; batzuk kilometro osoa erreserbatu dute, kilometro erdia besteek. Ikusiko duzuen moduan, kultur eragileak daude lekukoa hartuko dutenen artean. Udala edota Zubietako Herri Batzarra gisako erakundeak. Ikastetxeek ere "harro herri" direla adierazteko aukera izango dute, baita zenbait lantegiek ere.
Lekuko aldaketak
| Nork | Nondik nora |
| Zubieta | |
| 1-Zubietako Eskola Txikia eta Zubietako Herri Batzarra | Hipodromoa-Araeta |
| 2-Lanbide Eskola | Araeta- Etxeberri Txiki bidea 9 |
| 3-Ikaslan | Etxeberri Txiki bidea, 9-Etxetxo |
| 4-Fagor Automation | Etxetxo-Artzabaleta |
| 5-Enpresa Bidea | Artzabaleta-Amiri |
| 6-Orbeldi Dantza Taldea eta Zumarte Musika Eskola | Amiri-Santueneako bidegurutzea |
| Usurbil | |
| 7-Aitzaga Kultur Elkartea | Santueneko bidegurutzea-Oxtape |
| 8-Aztarrika Gazte Asanblada | Oxtape-Egurtzegi |
| 9-Udarregi ikastola | Egurtzegi-Txirikorda ondoko Aranerrekako zubia |
| 10-Elhuyar | Aranerrekako zubia-Puntapax-Bordaberri-Errekatxiki-Kale Nagusia-Eliza |
| 11-Usurbilgo Udala | Eliza-Kale Nagusia-N634-Kaparoz |
| Aginaga | |
| 12-NOAUA! Kultur Elkartea eta Ta Puntu | N634: Kaparoz-Lasao |
| 13-Usurbilgo EHBildu | N634: Lasao-Galardiko gasolindegia |
| 14-Aginagako herria | N634: Galardiko gasolindegia-Mapil |
| Ordua | Kilometroa | Tokia |
| 22:53:38 | 1365 | Zubietako hipodromo etorbideko zubia |
| 22:57:04 | 1366 | Irigoien, 34 (Zubieta) |
| 23:03:34 | 1367 | Learritza pasealekua, 23 (Zubieta) |
| 23:10:04 | 1368 | Learritza pasealekua, 23 – Amiri (Zubieta) |
| 23:16:34 | 1369 | Santuenea, 37 |
| 23:23:04 | 1370 | Belmonte, 1 (Kalezar) |
| 23:29:34 | 1371 | Puntapax, 24 (Artzabal) |
| 23:36:04 | 1372 | N-634- 4 |
| 23:42:34 | 1373 | N.634-5 |
| 23:49:43 | 1374 | Aginaga, 12 |
| 23:57:31 | 1375 | N-634 KM- 8, Aginagako Mapil baserriaren aurrean (Hemen Oriok hartuko du lekukoa) |
