Lasterka bizian doakigu Korrika Egun hau. Gaueko 23. Korrika noiz helduko zain, ikastetxeen bazkalosteko Korrika Txikien ondotik, tipi-tapa, tipi-tapa, korrika amaitu dute baita Zirimararen jolasetan parte hartzen aritu diren familiek. Aurrez eginiko zenbait jolasen ostean, frontotik herri erdiguneari itzulia eman diote lasterka bizian. Etumeta AEK euskaltegiko kideek sukaldaturiko txokolate jan ederrarekin borobildu dute arratsaldea, gauera begira indarberritzeko.
