Donostia aldetik zetorren eta Zumaiara bidean Usurbilen geldialdia egitekoa zuen Lurraldebus UK09 autobusak matxura izan du eguerdiko 14:30ak aldera. Olio dezente galdu du eta trafikoa eten behar izan dute. Udaltzaingoak Zubiaurrenea kaletik bideratu ditu autoak. Bitxikeria gisa, autobusa berri-berria da. Gidariak aitortu digunez, astebete baino ez du. Matxuraren arrazoia argitzeke dago oraindik.
Adi ibili
Gertakariok tarteko, asteartera arte autobus zerbitzuok San Inazioko biribilgunean egingo zituztela geldialdiak iragarri dute. Baina, astelehen arratsalde honetan bertan zabaldu dute berriz Kale Nagusia.
Halere, Usurbilgo Udaletik ohartarazi dutenez, "abiadura murriztu eta tentuz pasatzea komeni da; olio asko isuri du autobusak, eta oraindik ere labainkor egon daiteke zenbait puntutan". Adi ibili, beraz.
Kale Nagusia irekita dago, berriz ere. Dena den, abiadura murriztu eta tentuz pasatzea komeni da; olio asko isuri du autobusak, eta oraindik ere labainkor egon daiteke zenbait puntutan.
— Usurbilgo Udala (@usurbiludala) April 15, 2024
Lurraldebus ere jakinaren gainean jarri dugu: normaltasuna laster berreskuratzea espero dugu. https://t.co/jynKecIw6j
Autobus baten matxura dela eta, Kale Nagusia ia erabat itxita egongo da bihar arte. Beraz, Donostia-Zumaia autobusek San Inazioko biribilgunean egingo dituzte geldialdiak bihar arte. pic.twitter.com/ZSag51fbXh
— Usurbilgo Udala (@usurbiludala) April 15, 2024
#UK09 Donostia-Zumaia zerbitzutan #Usurbil Udaletxea geralekua #bertan behera, #gertuena Usurbil bilibilgunea.
— Lurraldebus (@Lurraldebus) April 15, 2024