Iragan urte amaieran, onartu zituzten Usurbilgo Udalak behin betiko urte honetarako ordenantza fiskalak, baita hilabeteotarako egutegi fiskala ere zein izango zen iragarri zuen; alegia, zerga edota tasa bakoitza noiz ordaindu behar den. Egutegi hau eskuartean, Ondasun Higiezinen Zerga ordaintzeko garaia heldu dela ikus daiteke.
Udalak berak hala gogorarazi du, astearte honetan, maiatzaren 14ko Gipuzkoako Aldizkari Ofizialean argitaratu duen iragarkiaren bidez. Ohartazi duenez, zerga hau ordaindu behar dutenen errolda onetsi du eta bihartik, maiatzaren 15etik aurrera, hilabetez aztertzeko aukera izango da Kontuhartzailetzan. Zerga hau ordaintzeko helbideratutako ordainagiriak uztailaren 1ean kargatuko direla berri eman du Udalak. "Helbideratu gabeko ordainagiriak maiatzean zehar bidaliko dira zergadunak adierazitako zerga helbidera", jakinarazi du Udalak.
Ordenantza fiskalen aldaketak jendaurrean
Udalbatzak apirilaren 25ean hasieraz onarturiko 2024ko ordenantza fiskalen aldaketak jendaurrean jarri ditu Udalak, maiatzaren 7ko Gipuzkoako Aldizkari Ofizialak berri eman zuenez. Haur eskolako kuotetan edota kirol ikastaroetan zenbait aldaketa onartu zituen udalbatzak.
Segidan duzue, 2024. urte amaierara arteko egutegi fiskalaren berri:
Zerga / Tasa |
Ordain epea |
Asteroko merkatuaren erabilpen tasa - aurreko urteko 4. hiruhilekoa |
Urtarrilaren 2tik 31ra |
Ura ,estolderia eta hondakinak - aurreko urteko 4. hiruhilekoa |
Otsailak 1etik martxoak 1era |
Trakzio mekanikozko ibilgailuen zerga |
Martxoak 1etik apirilak 15ra |
Asteroko merkatuaren erabilpen tasa - urteko 1. hiruhilekoa |
Apirilak 1tik maiatzak 2ra |
Ura, estolderia eta hondakinak - urteko 1. hiruhilekoa |
Maiatzak 2tik ekainak 3ra |
Ondasun higiezinen gaineko zerga |
Maiatzak 15tik uztailak 1era |
Asteroko merkatuaren erabilpen tasa - urteko 2. hiruhilekoa |
Uztailak 1etik abuztuak 1era |
Ura, estolderia eta hondakinak - urteko 2. hiruhilekoa |
Abuztuak 1etik irailak 2ra |
Espaloian zehar ibilgailuak sartzea (badoa) |
Irailak 2tik urriak 1era |
Ekonomi jarduera gaineko zerga |
Urriak 1etik azaroak 1era |
Asteroko merkatuaren erabilpen tasa - urteko 3. hiruhilekoa |
Urriak 1etik 31ra |
Ura, estolderia eta hondakinak - urteko 3. hiruhilekoa |
Azaroak 1etik abenduak 2ra |
Bide publikoaren erabilera pribatibo edo aprobetxamendu bereziagatik tasa (beladoreak, kutxazain automatikoak...) |
Azaroaren 1etik 29ra |
Emakida administratiboak (Atxega jauregia, udal baratzak...) |
Azaroaren 1etik 29ra |