Frontoiko harmailak berehala bete dira eta jende askok zutik eta alboetatik begira jarraitu behar izan du soka-dantza. Nahikoa txukun aritu dira denak. Eta batez ere, HarEmaneko kideak. Ez dira alperrikakoak izan ekainean zehar egin dituzten entsegu guztiak.
HarEman
Harremanduz, zubi gehiago eraikitzeko eta kontaktuen sarea zabaltzeko helburuekin jarri zen martxan HarEman egitasmoa. Alegia, Usurbilen bizi direnak hona bizitzera etortzen direnekin hartuemanetan jartzen ditu. Udal ordezkariek keinu bat egin nahi izan diote HarEmaneko sustatzaileei eta horregatik izan dira aurtengo soka-dantzako gonbidatu bereziak.
