Aurredenboraldiko eskubaloi triangularra gaur

2024-25 denboraldia hastera doa baita herriko kirol taldeentzat ere. Aurredenboraldi betean dira une honetan hainbat talde. Tarte hau girotuko du eskubaloi taldeen bilguneak, asteazken honetarako, abuztuaren 28rako iragarria duen triangularrarekin. Hiru eskubaloi talderen arteko txapelketa jokatuko da Oiardo kiroldegian. Erromoko eta Zarauzko eskubaloi taldeek parte hartuko dute hitzorduan, eta, noski, baita etxekoek ere; Usurbil K.E.-ko senior mutilen taldeak. Etxekoentzat hain zuzen, udako etenaldiaren osteko lehen neurketa izango da gaurkoa. 

Horregatik, "etorri animatzera eta gozatzera!", egin dute gonbita Usurbil K.E.-tik, sare sozialen bidez. Kirol elkarte horretatik azaldu dutenez, "2024/25 denboraldia hasi baino lehenago, Usurbilgo senior mutilen taldeak asteazken honetan jokatuko du bere lehen partidua Usurbilen". Haiekin, aipatu moduan Zarauzko eta Erromoko eskubaloi jokalariek. "Triangular honetan eskubaloiko bi talde handik pate hartuko dute, bigarren mailako @amenabarzarautzeta hirugarren mailako @erromokoeskubaloia taldeek. Maila handiko hiru partida biziko ditugu Oiardo kiroldegian, ez galdu!", animatu dute.

Hiru taldeok elkarren aurka jokatuko dutenez, bakoitzak bi partida jokatuko ditu. Honatx neurketon ordutegia:

Aurredenboraldiko eskubaloi triangularra
Abuztuak 28, asteazkena
17:30 Saizar Usurbil K.E.-Amenabar Zarautz Z.K.E.
18:45 Amenabar Zarautz Z.K.E.-Club Balonmano Romo Broker Kirol
20:00 Saizar Usurbil K.E.-Club Balonmano Romo Broker Kirol
Tokia: Oiardo kiroldegia.