Urte amaierara begira garen honetan, bueltan datorren Gertuagoaren kanpainari adi. Astearte honetatik, azaroaren 19tik aurrera, erosketa bonuak jarriko dituzte guztion eskuragarri. Hala diote, aste honetako NOAUA! bidez plazaratu duten iragarkiak: "ordaindu 20 euro eta eskuratu 30 euro", 10 euroko deskontua beraz, Hurbilago elkarteko saltokietako erosketetarako.
Bonu hauek eskuratzeko bi modu izango dira. Modu presentzialean jasotzeko hiru egun finkatu ditu Hurbilagok asteartetik ostegunera, azaroaren 19tik 21era Potxoenean:
-Azaroak 19: 13:00-15:00 / 17:00-19:00.
-Azaroak 20: 17:00-19:00.
-Azaroak 21: 10:00-12:00.
Online bidez, azaroaren 22tik aurrera, goizeko 9:00etan hasita eskuratzeko aukera izango da baita gertuago.eus atarian.
10 euroko deskontua eskuratzeko aukera gaurtik, Gertuago bonuei esker. Ostegunera arte Potxoenean lortu ahalko dira. Ostiraletik aurrera, online bidez.