Zuberoako ikastolak laguntzeko elkartasun kanpaina azken txanpan da dagoeneko. Ostiral honetara arte, azaroaren 22ra arte egin ahalko dituzue eskabideak NOAUA! Kultur Elkartearen egoitzan edo ikaskoli.eus web orrialdearen bidez.
Hiru saskiok izango dituzue aukeran:
-Pettarra (50 euro): Ahate gibel berrosatua, eztia, ardi gazta kiloa, bixkotx gatzatuak, pastak.
-Arbaila (57 euro): eztia, bixkotx artisanalak, bi gazta zati, bixkotx gazituak, erreximenta, tisanak, pastak.
-Basabürüa (68 euro): xerri patea, bixkotx artisanalak, ardi gazta kg., xahalki axoa, lukainka idorra, pastak.
Saskien banaketa abenduaren 15eko San Tomas azokan egingo da, Nafartarrek jarriko duten postuan hain zuzen. Egun horretan ezin badituzue jaso, biharamunetik, hilaren 16tik aurrera, NOAUA! K.E.-ren egoitzan hartu ahalko dituzue.
Informazio gehiago, ikaskoli.eus atarian.
Zuberoako ikastolak laguntzeko otarrak eskatzeko azken eguna
Ostiral hau, azaroaren 22a duzue, Zuberoako ikastolak laguntzeko otarrak eskatzeko azken eguna.