Indarkeria matxistaren salaketa plazaratuko da beste behin, astehelen honetako azaroaren 25eko Emakumeen Aurkako Indarkeria Desagerrarazteko Nazioarteko Egunean. Horren harira, Kafe Tertulia Usurbilgo neska* gazteen talde feminista eta Kalezarko Pelaioenean kokaturiko Emakumeon Etxea batu eta mobilizazio eguna deitu dute; elkarretaratzea antolatu dute Mikel Laboa plazan. Biharamunean, bestalde, "Bakarrik Bai da Bai" legeari buruzko solasaldia egingo da Emakumeon Etxean.
"*A25 Indarkeria matxistaren aurkako eguna* iristear dago eta Kafe tertuliak eta Emakumeon Etxeak lankidetzan datozen egunetan antolatutako ekintzetara gerturatzeko deia egiten dugu", egin dute gonbita, "Usurbil indarkeria matxistarik gabeko herria izatea nahi dugulako! *Autodefentsa feministaren baitan antolatuta, hamaika indarkeriei hamabi formatan erantzungo diegu*".
Azaroak 25 Usurbilen
Azaroak 25, astelehena
19:00 Elkarretaratzea Mikel Laboa plazan.
Azaroak 26, asteartea
17:30 "Bakarrik Bai da Bai" Legearen inguruko hitzaldia, Azaroaren 25eko Indarkeria Matxistaren Kontrako Egunaren harira, Irule abokatuak taldearen eskutik.
Antolatzaileak: Kafe Tertulia eta Emakumeon Etxea.
Azaroak 25
Indarkeria matxistarik gabeko herriaren aldeko mobilizazioa gaur
Azaroaren 25ari lotutako mobilizazioa deitu dute Kafe Tertuliak eta Emakumeon Etxeak iluntzeko 19:00etan Mikel Laboa plazan.