Zuberoako ikastolak laguntzeko elkartasun kanpaina abian izan da azken hilabete honetan. Iragan ostiralera arte, azaroaren 22ra arte egin ahal zitezkeen eskabideak NOAUA! Kultur Elkartearen egoitzan edo ikaskoli.eus web orrialdearen bidez.
Hiru saskiok izan dira aukeran:
-Pettarra (50 euro): Ahate gibel berrosatua, eztia, ardi gazta kiloa, bixkotx gatzatuak, pastak.
-Arbaila (57 euro): eztia, bixkotx artisanalak, bi gazta zati, bixkotx gazituak, erreximenta, tisanak, pastak.
-Basabürüa (68 euro): xerri patea, bixkotx artisanalak, ardi gazta kg., xahalki axoa, lukainka idorra, pastak.
Saskien banaketa abenduaren 15eko San Tomas azokan egingo da, Nafartarrek jarriko duten postuan hain zuzen. Egun horretan ezin badituzue jaso, biharamunetik, hilaren 16tik aurrera, NOAUA! K.E.-ren egoitzan hartu ahalko dituzue.
Informazio gehiago, ikaskoli.eus atarian.
Zuberoako ikastolak laguntzeko otarrak San Tomas azokarako helduko dira
Azaroaren 22ra arte eska zitezkeen Zuberoako ikastolak laguntzeko otarrak abenduaren 15etik aurrera jaso ahalko dituzue.