Erosketak egin nahiz dagoen eskaintzaz gozatzeko aukera aparta izango da asteburuan, beste urte batez, Hurbilagok antolariko Udazkeneko Azokarekin. Herriko nahiz Usurbildik kanpotik etorritako merkatari, ekoizle eta artisauen elkargunea izango da frontoia igande honetan, abenduaren 1ean.
Jan-edanik ez da faltako eta adi horri, erosketaren bat eginda, doan dastatu ahalko dira, urte garai honetan sabela poztuko diguten gaztainak eta sagardoa. Tailerra ere izango da, Ziortza Gazte Elkartekoen eskutik; pultserak egiteko.
Horrez gain, 650 Usurbil Bizi Otarra ere aurkeztuko dute. Gogoan izan, herri ekoizpena, sorkuntza sustatu eta herritarron eskura jartzea ahalbidetzen duen Kulturgunearen, Udalaren eta Hurbilagoren lankidetzaz hirugarren urtez abiarazitako egitasmorako produktuen eskaintza egin zitekeen igande arte, azaroaren 24ra arte.
Egunotan, kanpainaren antolatzaileek eginiko egiaztapenen ondotik, igandeko Hurbilagoren Udazkeneko Azokan aurkeztuko dute otarrak aurtengoan izango duen itxura. Hortik aurrera, herriko saltokietan eginiko erosketen truke, abenduaren 28an zozketatu eta biharamunean banatuko diren otarron zozketan parte hartzeko epealdia zabalduko dute. Abenduaren 1eko azoka horretan emango dituzte xehetasun guztiak antolatzaileek.
Hurbilagoren Udazkeneko Azoka
Abenduak 1, igandea
11:00-14:30 Azoka:
-Gaztainak eta sagardoa doan azokan erosketa bat eginda.
-Usurbilgo parte hartzaileak: Lizardi liburudenda, Sleepy Mimosa, Ione Iruretagoiena, Xükâ eskuz egina, Ameba, Zaparra, Ixabel Agirresarobe Arzallus.
-Gonbidatuak: Amaetabiok, Bihurri, Ciaobellaido, Crea, Dilindan, EM Zirrimarra, Eskuz Eskura, Esther de Donosti, Gigil, Hartara, Knot, Laupitxiak, Mumi Handmade Jewellery, Mxuk Basque, Nai Bitxiak, Ni Naiz, Organic.Studio, Osabi Naturala, Piinpirin, R.belde, Urluma.
11:30-14:30 Pultsera tailerra, Ziortza G.E.-ren eskutik.
13:00 650 Usurbil Bizi otarraren aurkezpena Hurbilagoren Udazkeneko Azokan. Otarraren erakusmahai bat jarriko da.
Antolatzailea: Hurbilago elkartea.
Laguntzaileak: Usurbilgo Udala, Eusko Jaurlaritza.