"Elkargunea eraikitzeko unea heldu da!". Hala iragarri zuten sare sozialen bidez aste hasieran, bilgune honetako kide diren eragileek; Kulturguneak, Gaztelekuak, Ziortza gazte elkarteak eta Aztarrika gazte asanbladak. "Gero bat gaurdanik" aldarripean, jardunaldiak iragarri dituzte abenduaren 20tik 26ra. Bigarren eskuko truke azoka, kantu-jira berezia, Txirikordari lotutako asanblada, erakusketa Sutegin, oroimen historikoari lotutako bisita gidatua, sorkuntza tailerrak... Segidan dituzue osatu duten egitarau oparoari lotutako zehaztasunak.
Lankidetza oparoa
Nerabeen, gazteen eta kulturgileentzako, nork bere egitasmoak bideratzeko, lankidetzarako nahiz biltzeko espazio berri baten beharrak batu zituen eragile guztiok iaz, eta ordutik, emankorra izan den lankidetza bidea jorratu dute. Urte hasieran, Udalarekin adostu zuten Elkargunea anbulatorio ondoko zelaian eraikitzea. Gero, otsailetik udaberri amaierara arte, egitasmo hau diseinatzeko Elhuyarrek dinamizaturiko parte hartze prozesuan murgildu ziren.
"Gero bat gaurdanik: Elkargunea eraikitzen"
Abenduak 20, ostirala
18:00-21:00 Ziortzakoen San Tomas jaialdia.
Abenduak 23, astelehena
12:00 Usurbilgo Memoria: ibilbide gidatua (Usurbil 1936 elkartea) Mikel Laboa plazatik.
17:30-20:00 Aztarritruk frontoian: Aztarrikaren bigarren eskuko truke-azoka. Bilketa: abenduaren 19an eta 20an, 17:30-19:30, Sutegin.
18:00-20:00 Elkarguneko eragileen erakusketa irekiera Sutegiko erakustaretoan.
20:00 Gabonetako topaketen irekiera ekitaldia Sutegiko aterpean.
Abenduak 24, asteartea
Goizetik, baserritar jantziekin.
11:00 Talogintza ikastaroa Usurbilgo talogileekin frontoian.
11:30-14:00 Elkarguneko eragileen erakusketa Sutegiko erakustaretoan.
17:00 Aztarrikant: Palestinaren aldeko kantujira frontoitik.
Abenduak 26, osteguna
11:30-14:00 Elkarguneko eragileen erakusketa Sutegiko erakustaretoan.
17:00 Txirikorda: Usurbilgo lehen Etxebizitza Asanblada Herritarra (Txirikorda eta Aztarrika).
17:30 Sormen tailerra (Kulturgunea, Gaztelekua, Ziortza): antzerkia (Jontxu Martinez) eta eskulangintza (EITI), Anuk eta Elene solasaldi musikatua.
Amaieran, merendola.
Antolatzaileak: Kulturgunea, Ziortza, Aztarrika, Gaztelekua.