Ikastaroen asteburua Txokoargin

Ikastaroak Txokoargin
Bi ikastaro antolatu dituzte astebururako Txokoaldeko Txokoargi elkartearen egoitzan:

Abenduak 13, ostirala
18:00-20:00 Sendabelar ikastaroa Leire Lazkanorekin: “Aurpegiko kremak”.
Oharrak: gehienez 12 lagunentzako tokia egongo da eta toaila txikia eraman behar da.

Abenduak 14, larunbata
10:00 Errege opila egiteko ikastaroa Idoia Artuzamunoarekin.
Oharrak: gehienez 12 lagunentzako tokia egongo da.

Ikastaroetarako ordaindu beharrekoa: 10 euro.
Izen-ematea: 619 591 849 (arratsaldez, 16:00-18:00).
Antolatzailea: Txokoargi Elkartea.


Irristaketa ikastaroa Santuenean
Santuenean urte amaierara begira antolaturiko ekimenen artean, bada ikastaro bat; irristaketarena. Hiru saio programatu dituzte abenduaren 23an, 27an eta 30ean, 11:00-13:00 artean. Irristaketa ikastaroa frontoian eta eskubaloi pistan egingo da. Beharrezko materiala: kaskoa, babesgarriak (eskumutur eta ukalondoetarako eta betaurrekoak) eta patinak.
Prezioak: haur eta gaztetxoek 15 euro (Santuenea K.E.-ko bazkideek 5 euro) eta 25 euro 18 urtetik gorakoek (10 euro Santuenea K.E.-ko bazkideek). Informazio gehiago jasotzeko eta izen-ematea:  621 095 644 /santueneake@gmail.com


Boluntariotzari buruzko prestakuntza saioa
Abenduaren 27rako antolatu du ASEBIER gaixotasun arraroen elkarteak, 11:00-14:00 artean Potxoenean. Boluntarioak izan nahi dutenei nahiz boluntariotzan interesa dutenei zuzenduriko saioa izango da. Izena doan eman ahalko da, info@asebier.org helbidean edo https://forms.gle/Yofm38vQ8NLkkMvb7 helbideko galdetegia osatuta. Trebakuntza saio horretan, “ASEBIER erakundearen aurkezpen labur bat eskainiko da, gaixotasun arraroei eta desgaitasun-motei buruzko sarrera, eta Gaixotasun arraroak dituzten pertsonen interakziorako eta laguntzarako orientabideak ere eskainiko dira”.

Kantu Taldea
Hamabosgarren ikasturtea agurtzear du Usurbilgo Euskal Kantu Taldeak. Datorren oporraldiaren aurretik, astelehenero biltzen segiko dute ikastaroko saioetarako arratsaldeko 18:00etan, Agerialdeko musika gelan.

KzGunea
Estreinatu berri dugun urteko azken hilabetean arratsaldez zabalduko dute Usurbilgo KzGunea, 16:00-20:00 artean. Urte amaierako oporraldia tarteko, abenduaren 24tik urtarrilaren 7ra arte itxita egongo da gero. Urtarrilaren 7tik aurrerako ikastaro eskaintzari buruzko informazioa aurreratu dute dagoeneko. Hemen, 2025eko lehen asteetarako iragarritako ikastaroen berri:
-Urtarrilak 7-20, 9:00-11:00: "Oinarrizko Interneta. Nabigatzen eta posta elektronikoak bidaltzen ikasi".
-Urtarrilak 21, 9:00-11:00: "Google Translate. Testuak eta web orriak itzuli".
-Urtarrilak 22-24, 9:00-11:00: "Zure bidaia planifikatu".
-Urtarrilak 27-31, 9:00-11:00: "Mekanografia. Ikasi hutsetik".
Informazio gehiagorako:
Kale Nagusia, 37
943 023 684
tutor.usurbil@kzgunea.net