Martxoaren 2an egin zuten aurtengo Gazte Eguna, jolas, kantu, gazte afari eta kontzertu gau artean. Hurrengo edizioa, 2025ekoa prestatzen hastera doazela iragarri dute Aztarrika gazte asanbladatik. Ostiral honetarako, abenduaren 13rako, deitu dute lehen asanblada Artzabalgo gazte lokalean gaueko 22:00etan. "Denok hainbeste gozatzen dugun egun hori aurrera eramateko, ezinbestekoa da aurre antolaketan parte hartzea!", adierazi dute Aztarrikatik. Bertara joateko gonbita egin dute.
Jardunaldiak
Gazte Egunaren aurretik, gogoan izan, Kulturgunearekin, Gaztelekuarekin eta Ziortza gazte elkartearekin batera Elkargunea eraikitzeko topaketen antolaketan parte hartu duela Aztarrikak.
"Elkargunea eraikitzeko unea heldu da!". Hala iragarri zuten sare sozialen bidez aste hasieran, bilgune honetako kide diren eragileek; . "Gero bat gaurdanik" aldarripean, jardunaldiak iragarri dituzte abenduaren 20tik 26ra:
"Gero bat gaurdanik: Elkargunea eraikitzen"
Abenduak 20, ostirala
18:00-21:00 Ziortzakoen San Tomas jaialdia.
Abenduak 23, astelehena
12:00 Usurbilgo Memoria: ibilbide gidatua (Usurbil 1936 elkartea) Mikel Laboa plazatik.
17:30-20:00 Aztarritruk frontoian: Aztarrikaren bigarren eskuko truke-azoka. Bilketa: abenduaren 19an eta 20an, 17:30-19:30, Sutegin.
18:00-20:00 Elkarguneko eragileen erakusketa irekiera Sutegiko erakustaretoan.
20:00 Gabonetako topaketen irekiera ekitaldia Sutegiko aterpean.
Abenduak 24, asteartea
Goizetik, baserritar jantziekin.
11:00 Talogintza ikastaroa Usurbilgo talogileekin frontoian.
11:30-14:00 Elkarguneko eragileen erakusketa Sutegiko erakustaretoan.
17:00 Aztarrikant: Palestinaren aldeko kantujira frontoitik.
Abenduak 26, osteguna
11:30-14:00 Elkarguneko eragileen erakusketa Sutegiko erakustaretoan.
17:00 Txirikorda: Usurbilgo lehen Etxebizitza Asanblada Herritarra (Txirikorda eta Aztarrika).
17:30 Sormen tailerra (Kulturgunea, Gaztelekua, Ziortza): antzerkia (Jontxu Martinez) eta eskulangintza (EITI), Anuk eta Elene solasaldi musikatua.
Amaieran, merendola.
Antolatzaileak: Kulturgunea, Ziortza, Aztarrika, Gaztelekua.