Kantuan nahiz musikaz girotutako ekitaldiekin agurtuko du amaitzear dugun 2024a Zumarte Musika Eskolak. Hiru ekintza iragarri ditu hilaren 19ra arte; tartean, gabon giro beteko bi hitzordu iragarri dituzte: batetik, abesbatzen kontzertua iragarri dute Salbatore elizan. Bestetik, urtean bitan, udan eta urte garai honetan egiten duten topaketa ere egitekoak dira. Eguneko zentroko eta eguneko arreta zerbitzuko erabiltzaileak Zumarte Musika Eskolako ikasleekin elkartzen dira aipatu ikastetxeko ganbaran, gabon giroko kantak abestera.
Hemen dituzue xehetasunak:
Zumarte Musika Eskolako urte amaierako hitzorduak
Abenduak 17, asteartea
19:00 Zumarteko abesbatzen kontzertua Salbatore elizan.
Abenduak 18, asteazkena
10:00 Belaunaldiarteko gabonetako emanaldia Zumarteko ganbaran.
Abenduak 19, osteguna
18:00 Biolin taldeen gabonetako entzunaldia.
Antolatzailea: Zumarte Musika Eskola.
Kantuan agurtuko du egunotan Zumarte Musika Eskolak, agortzear den urte hau.