Iaz izandako harrera beroaren ostean, Aztarritruk ekimena antolatu du bigarrenez Aztarrika gazte asanbladak, abiatzear diren Elkargunearen topaketen baitan. Izan ere, "Gero bat gaurdanik: Elkargunea eraikitzen" izeneko ekimen zikloa iragarri dute aipatu bilgunea osatzen duten herri eragileek abenduaren 20tik 26ra; Kulturguneak, Gaztelekuak, Ziortzak eta haiekin batera, baita Aztarrika gazte asanbladak ere.
Beste hainbat hitzorduren artean, gazte asanbladak, iaz bezala, AztarriTruk ekimena antolatu du abenduaren 23rako. Bigarren eskuko truke azoka izango da. Ekimen horri begira, aldez aurretik, materiala bildu asmo dute Sutegin. Bi bilketa egun finkatu dituzte horretarako; ostegun eta ostiral honetan, abenduaren 19an eta 20an hain zuzen, Sutegiko erakustaretoan. Antolatzaileek ohartarazi dutenez, aurtengoan, bereziki, arropa eta liburuak bildu nahi dituzte.
Bigarren eskuko azokan edonork parte hartu ahalko du; iaz bezala, utzi ahalko da hartu gabe, hartu ahalko da utzi gabe. Azken finean, azokan dagoenari bigarren erabilera ematea izango da helburua.
Iaz antolatu zuen Aztarrikak ekimen hau estreinakoz; gabonetako kontsumo eredua zalantzan jartzeko. Iazko gazte topaketak ere testuinguru horren bueltan egin zituzten.
"Gero bat gaurdanik: Elkargunea eraikitzen"
Abenduak 20, ostirala
18:00-21:00 Ziortzakoen San Tomas jaialdia Askatasuna plazan. Baserritarrez jantzita joateko deia.
Abenduak 23, astelehena
12:00 Usurbilgo Memoria: ibilbide gidatua (Usurbil 1936 elkartea) Mikel Laboa plazatik.
17:30-20:00 Aztarritruk frontoian: Aztarrikaren bigarren eskuko truke-azoka. Bilketa: abenduaren 19an eta 20an, 17:30-19:30, Sutegin.
18:00-20:00 Elkarguneko eragileen erakusketa irekiera Sutegiko erakustaretoan.
20:00 Gabonetako topaketen irekiera ekitaldia Sutegiko aterpean.
Abenduak 24, asteartea
Goizetik, baserritar jantziekin.
11:00 Talogintza ikastaroa Usurbilgo talogileekin frontoian.
11:30-14:00 Elkarguneko eragileen erakusketa Sutegiko erakustaretoan.
17:00 Aztarrikant: Palestinaren aldeko kantujira frontoitik.
Abenduak 26, osteguna
11:30-14:00 Elkarguneko eragileen erakusketa Sutegiko erakustaretoan.
17:00 Txirikorda: Usurbilgo lehen Etxebizitza Asanblada Herritarra (Txirikorda eta Aztarrika).
17:30 Sormen tailerra (Kulturgunea, Gaztelekua, Ziortza): antzerkia (Jontxu Martinez) eta eskulangintza (EITI), Anuk eta Elene solasaldi musikatua.
Amaieran, merendola.
Antolatzaileak: Kulturgunea, Ziortza, Aztarrika, Gaztelekua.