Ziortza gazte elkarteak emango dio hasiera Elkarguneak gaurtik abenduaren 26ra arte iragarritako topaketei. San Tomas jaialdia ospatuko dute ostiral arratsalde honetan, Askatasuna plazan. Baserritarrez jantzita joateko deia egin diete parte hartzaileei.
Gogoan izan, Gaztelekua, Kulturgunea eta Aztarrika gazte asanbladarekin batera, Ziortza gazte elkartea ere Elkarguneko kidea da. Denen artean, honako egitarau hau osatu dute:
"Gero bat gaurdanik: Elkargunea eraikitzen"
Abenduak 20, ostirala
18:00-21:00 Ziortzakoen San Tomas jaialdia Askatasuna plazan. Baserritarrez jantzita joateko deia.
Abenduak 23, astelehena
12:00 Usurbilgo Memoria: ibilbide gidatua (Usurbil 1936 elkartea) Mikel Laboa plazatik.
17:30-20:00 Aztarritruk frontoian: Aztarrikaren bigarren eskuko truke-azoka. Bilketa: abenduaren 19an eta 20an, 17:30-19:30, Sutegin.
18:00-20:00 Elkarguneko eragileen erakusketa irekiera Sutegiko erakustaretoan.
20:00 Gabonetako topaketen irekiera ekitaldia Sutegiko aterpean.
Abenduak 24, asteartea
Goizetik, baserritar jantziekin.
11:00 Talogintza ikastaroa Usurbilgo talogileekin frontoian.
11:30-14:00 Elkarguneko eragileen erakusketa Sutegiko erakustaretoan.
17:00 Aztarrikant: Palestinaren aldeko kantujira frontoitik.
Abenduak 26, osteguna
11:30-14:00 Elkarguneko eragileen erakusketa Sutegiko erakustaretoan.
17:00 Txirikorda: Usurbilgo lehen Etxebizitza Asanblada Herritarra (Txirikorda eta Aztarrika).
17:30 Sormen tailerra (Kulturgunea, Gaztelekua, Ziortza): antzerkia (Jontxu Martinez) eta eskulangintza (EITI), Anuk eta Elene solasaldi musikatua.
Amaieran, merendola.
Antolatzaileak: Kulturgunea, Ziortza, Aztarrika, Gaztelekua.