Magia ikuskizuna edota Gabonetako Haur Parkea, gaztetxoentzako hurrengo hitzorduak

Oporraldi betean diren gaztetxoentzako aisialdiko hitzordu zikloak ez du etenik izango hurrengo egunotan; tartean, gabonetako haur parkea programatu dute. Oraingo honetan, urtarrila hasieran izango da, ohi bezala, hiru egunez, Oiardo kiroldegian, 2-12 urte artekoentzat.

Lehenago, magia ikuskizuna programatu dute larunbat honetarako, abenduaren 28rako Sutegin. Mago parte hartzaileen artean, usurbildar bat izango da, Oier Agirresarobe.

Segidan duzue haur eta gaztetxoei zuzenduriko datozen ekimenen berri:

Gaztetxoentzako ekitaldien eskaintza
Abenduak 27, ostirala
09:00-19:15 Mirotzen omeneko 14. eskubaloi txapelketa.
Antolatzailea: Usurbil K.E.

Egunean zehar, Gaztelekutik Txuri Urdinera irteera.
Informazio gehiago:
Gaztelekua
gaztelekuausurbil@gmail.com
688 813 853
Antolatzailea: Gaztelekua.

Abenduak 27, 30
11:00-13:00 Irristaketa ikastaroa frontoian eta eskubaloi pistan. Beharrezko materiala: kaskoa, babesgarriak (eskumutur eta ukalondoetarako eta betaurrekoak) eta patinak.
Prezioak: haur eta gaztetxoek 15 euro (Santuenea K.E.-ko bazkideek 5 euro) eta 25 euro 18 urtetik gorakoek (10 euro Santuenea K.E.-ko bazkideek).
Informazio gehiago jasotzeko eta izen-ematea:  621 095 644 /santueneake@gmail.com
Antolatzailea: Santuenea Kultur Elkartea.

Abenduak 28, larunbata
18:00 "Sasi guztien gainetik..." Usurbilgo lehen magia gala Sutegiko auditorioan.
Parte hartzaileak: Maria Arandia, Iago Magoa, Oier Jurado, Oier Agirresarobe eta Eneko Gutierrez.
Sarrerak: 3 € usurbilkultura.eus webgunearen bidez.

Abenduak 31, asteartea
17:00 Hurbilago San Silbestre herri lasterketa frontoitik.
Izen-ematea: gertuago.eus webgunean, abenduaren 15etik 30era. Abenduaren 31n, 16:00-16:30 artean frontoian.
Antolatzailea: Hurbilago elkartea.

Urtarrilak 2-4, ostegunetik larunbatera
11:00-13:00 / 16:30-19:30 Gabonetako Haur Parkea Oiardo kiroldegian.
Sarrera: doan.
Antolatzailea: Usurbilgo Udala.

Urtarrilak 5, igandea
Erregeen kabalkada:
11:00 Eskutitz tailerra eta muralaren irekiera.
12:00 Postariaren etorrera eta jolasak postariekin.
12:30 Postariari eskutitzak eman.
17:00 San Estebandik irteera.
19:30 Frontoira iritsi.

Antolatzailea: Ziortza Gazte Elkartea.