Oporraldi betean diren gaztetxoentzako aisialdiko hitzordu zikloak ez du etenik izango atseden egun hauen azken txanpan ere; tartean, gabonetako haur parkea programatu dute. Oraingo honetan, urtarrila hasieran izango da, ohi bezala, hiru egunez, Oiardo kiroldegian, 2-12 urte artekoentzat. Kiroldegiko kirol pista jolastoki erraldoian bilakatuko dute hiru egunez, hilaren 2tik 4ra.
Segidan duzue haur eta gaztetxoei zuzenduriko datozen ekimenen berri:
Gaztetxoentzako ekitaldien eskaintza
Urtarrilak 2-4, ostegunetik larunbatera
11:00-13:00 / 16:30-19:30 Gabonetako Haur Parkea Oiardo kiroldegian.
Sarrera: doan.
Antolatzailea: Usurbilgo Udala.
Urtarrilak 5, igandea
Erregeen kabalkada:
11:00 Eskutitz tailerra eta muralaren irekiera.
12:00 Postariaren etorrera eta jolasak postariekin.
12:30 Postariari eskutitzak eman.
17:00 San Estebandik irteera.
19:30 Frontoira iritsi.
Antolatzailea: Ziortza Gazte Elkartea.
Gabonak 2024-25
Gabonetako Haur Parkea zabalduko dute etzi
Haur eta gaztetxoen jolastoki erraldoia ostegun honetan, urtarrilaren 2an irekiko dute Oiardo kiroldegian.