Etzi agurtuko dugu 2024a. Ehunka lagunek ohi bezala, lasterka bizian emango diote amaiera urte zahar honi, Hurbilago San Silbeste Herri Lasterketaren bidez. Abenduaren 27ra arte eman zitekeen hitzordu horretarako izena online bidez, formulario bat beteta. Hala egin ez dutenek, asteartean bertan izango dute izena emateko azken aukera, antolakuntzak, lasterketa hasi aurretik, abenduaren 31n, 16:00-16:30 artean frontoian jarriko duten mahaian.
Izen-ematen dutenen artean, lasterketa amaieran egingo den zozketan sariak irabazteko aukera izango da, baita tartean, mozorrotzen direnentzat ere. "Lasterketaren amaieran, parte hartzaile guztien artean sariak zozketatuko dira Hurbilagoren eskutik. Mozorrorik onenak sari berezia izango du!", iragarri du Hurbilago elkarteak.
Bi itzuli
Herri merkataritzaren eta ostalaritzaren alde lasterka eginez urtea festa giro alai eta aldarrikatzailean agurtzeko gonbita egingo digu aurtengoan ere aipatu herri bilguneak. Sektoreotako saltoki gehienak biltzen dituen Usurbilgo Kaxkoko eremuari bi itzuli emanez, herriko ostatalarien eta merkatarien bilgunearen izena daraman San Silbestre Herri Lasterketa antolatu dute abenduaren 31rako. Arratsaldeko 17:00etan abiatuko da frontoitik. Aipatu moduan, bi itzuli emango zaizkio herriko merkatalguneari.
Hurbilago San Silbeste Herri Lasterketa
Abenduak 31, asteartea
16:00-16:30 Lasterketarako izen-ematea frontoian.
17:00 Hurbilago San Silbestre Herri Lasterketa frontoitik.
Lasterketaren amaieran, opariak zozketatuko dira partaideen artean.
Antolatzailea: Hurbilago elkartea.
Gabonak 2024-25
Hurbilago San Silbestre herri lasterketan izena emateko azken aukera asteartean
Online bidezko izen-ematea itxita egon arren, lasterketa egunean bertan bideratu ahalko da inskripzioa, ezinbestekoa izango dena, ekimenaren amaierako oparien zozketan parte hartzeko.