Haur, gazte eta heldu, lasterka bizian herri merkataritzaren erdigunea inguratu berri dute astearte arratsalde honetan, Hurbilago San Silbestre Herri Lasterketan. Arratsaldeko 17:00etan frontoitik abiatu den ekimenaren baitan, bi itzuli eman dizkiote parte hartzaileek aipatu eremuari.
Besteak beste, Zubiaurrenea, Bordaberri, Errekatxiki, Kale Nagusia, Etxebeste, edota San Inazio kaleak lotu ditu, herri merkataritzari atxikimendua adierazten dion urteroko ekimenak.
Lagunartean bizitzeko hitzordua izanik, umore ederrean osatu dute ibilbidea belaunaldi ezberdinetako herrikideek, nahiz izan diren helmugara erritmo bizian iritsi nahi izan dutenak ere.
Kirola egiteko jantziekin joan dira herri lasterketara bat baino gehiago. Ez da mozorrotutakorik ere falta izan. Aurten, giro ederrarekin, euririk ez egin da, 2024ari dagokionean Usurbilgo herri bizitzan azkenekoa izaten dugun Hurbilagoren ekimen hau.