Oparo askoa izan da zozketa. Opari mordoa banatu dute, urtero moduan, Hurbilago San Silbestre Herri Lasterketaren amaieran. Antolatzaileek beti gogorarazten dute, lasterketa aurretik izen-emateak duen garrantzia. Izan ere, horretarako irekitzen baitute garaiz, ekimenaren egun hau baino bi aste lehenago, online izena emateko epealdia. Lasterketa egun honetan ere presentzialki apuntatu zitekeen frontoian bertan.
Hala egin dutenen artean, hau da, aldez aurretik gertuago.eus web orrialde bidez nahiz gaurkoan Hurbilago elkarteak pilotalekuan egokituriko mahaian izena eman dutenek soilik parte hartu ahal izan dute, Hurbilago San Silbestre Herri Lasterketa honen amaierako oparien zozketan.
Produktu goxo askoez hornituriko otarrak banatu dituzte, palak, ardoa, baita bizikleta ederra ere. Mozorro onenarentzat saria ere izan da. Errege-opilez jantzitako lagun kuadrilla saritu dute, mozorroa prestatu eta mozorro horrekin lasterka aritzeko eginiko ahaleginagatik. Otordu eder askoa irabazi dute trukean.
Ikusmina sortu du herri lasterketa honen amaierako oparien zozketak. Onuradunak irribarre eder askoarekin igo dira frontoiko oholtza gainera sari bila.