Igande haizetsua datorkigula ohartarazten ari da Euskalmet meteorologia agentzia. Izan ere, etzi, urtarrilaren 5ean, haizeagatik abisu horiaren eraginpean izango gara egun osoz. "Hego-osagaiko haize-boladek, egunaren lehen zatian hego-mendebala nagusituko da, 100 km/h-ko abiadura gaindi dezakete" haizeguneetan, Euskalmet-en arabera. Gainerakoan, "haizeguneak ez diren tokietan boladak 60-80 km/h ingurukoak izan daitezke", ohartarazi du aipatu meteorologia agentziak.
Asteburuko eguraldi iragarpenari dagokionean, gaur, urtarrilak 3, Usurbilen, "zerua hodeitsu egongo da, goizaldean tarteka oso hodeitsu. Euri txikia egingo du, bereziki arratsalde-gau partean. Hego-osagaiko haize ahul-bizia ibiliko da. Tenperatura maximoetan aldaketarik ez".
Larunbatean, hilaren 4an, "zerua oso hodeitsu egongo da eta arratsaldean ostarteak zabalduko dira. Egunaren lehen partean han-hemenka euri txikia egin dezake. Hego-mendebaldeko haize ahul-bizia ibiliko da, bolada gogorrekin, bereziki haizeguneetan; arratsalde-gau partean indartu egingo da eta bolada oso gogorrak izango dira. Tenperatura gutxi edo nahikoa igoko da".
Igandean, urtarrilaren 5ean, "zerua hodeitsu egongo da, erdi mailako hodeiekin eta goi-hodeiekin. Hego-osagaiko haizea bizi-gogorra ibiliko da, bolada oso gogorrekin; hego-mendebala nagusituko da. Tenperatura gutxi igoko da".
Informazio eguneratua, euskalmet.eus bidez jaso dezakezue.
Haizeagatik abisu horian igandean
Haizeagatik abisu horian izango gara igandean egun osoz.