Alkartasuna kooperatiba
"Etorkizuneko sagastiak: mentu-oin berriak: Geneva belaunaldia" izena du Alkartasuna kooperatibak eta Sagardoaren Unibertsitateak ostegunerako, urtarrilaren 23rako 18:00etan Potxoenean antolaturiko aurtengo lehenengo ikastaroak. "Txertaketa belaunaldi berri honen ezaugarri nagusiak azalduko dira: gaixotasunekiko duen erresistentzia handiagoa da, ekoizpen handiagoak lortzen ditu eta lurraren nekea ez du pairatzen". Aitor Etxeandiak bideratuko duen saiorako izena doan eman ahalko da bideotatik: 943 361 114 / alkartasuna.eus
Buztinarekin jolasean
Tailer hau antolatu du Santuenea Kultur Elkarteak larunbatean, urtarrilaren 25ean, 11:00-13:00 artean auzoko ludotekan, Santuenea 16an. Sarrera 3 euro ordaindu beharko da, bazkideek sarrera doakoa izango dute. Izena aurrez eman beharko da, santueneake@gmail.com helbidean. Gehienez 20 haurrentzako tokia egongo da. Antolakuntzak ohartarazi duenez, "ez ahaztu mantal bat ekartzea eta zure artelana etxera eramateko kaxa bat! (tupper handi bat edo kartoizko kaxa txiki bat)".
Kantu ikastaroa
Usurbilgo Euskal Kantu Taldeak ikasturte berria abiarazi du. Gogoan izan, ikastaroko saioak astelehenero izaten dituzte 18:00etan Agerialdeko musika gelan.
Sutegi udal liburutegia
Xakean trebatu eta jolasteko aukera ederra hilabete honen amaieran Sutegi udal liburutegian. Hirugarrenez, jolas honi buruzko tailerra eta topaketa antolatu ditu Sutegi udal liburutegiak urtarrilaren 24rako eta 31rako. Adin tarte eta trebetasun maila ezberdinei zuzendurikoentzako saioak izango dira hilabete amaierako horiek. “Lehenengo saioan, formazio txiki bat eskainiko da eta ondoren torneotxo bat egingo dute partaideek; bigarrenerako xakean jokatzen jakin behar da, zuzenean torneo bat jokatuko baita”, ohartarazi dute udal liburutegitik.
3. Xake Tailerra eta Topaketa
Urtarrilak 24, ostirala
17:30-19:00 3. Xake Tailerra: 6-9 urte arteko haurrentzat, LH4 mailara artekoentzat. Oharra: Oinarrizko ezagutzen azalpena eta torneo txikia.
Urtarrilak 31, ostirala
17:30-19:00 3. Xake Topaketa: LH 5etik aurrerakoentzat, 10 urtetik gorakoentzat.
Oharra: parte hartzeko xakean jokatzen jakin behar da. Parte hartzaileek elkarrekin jokatuko dute.
Bideratzailea: Breogan Estévez, Sutegi udal liburutegiko liburuzain laguntzailea eta xake jokalaria.
Izen-ematea: aurrez, Sutegi udal liburutegian bertan.
Antolatzailea: Sutegi udal liburutegia.
Kzgunea
Urtarrilaren 31ra arte goizez zabalduko dute KzGunea, 9:00-13:00 artean. Otsaileko bi ikastaroetan izena emateko aukera duzue. Hona hemen, KzGunera datozen trebakuntza saioen berri:
-Otsailak 3-14, 18:00-20:00 “Oinarrizko Interneta. Nabigatzen eta posta elektronikoak bidaltzen ikasi”.
-Otsailak 17-28, 18:00-20:00 “Ofimatika tresnak-LibreOffice”.
Informazio gehiagorako:
Kale Nagusia, 37
943 023 684
tutor.usurbil@kzgunea.net
kzgunea.eus
Jabetza eskola
Otsailetik uztailera prestaturiko eskaintza plazaratu du Kalezarko Pelaioenean kokaturiko Usurbilgo Emakumeon Etxeak; besteak beste, jabetza eskolaren baitako ikastaro hauek antolatu dituzte:
Otsailak 11-maiatzak 27, astearteetan
17:30-19:00 Jabetza eskolako ikastaroa: Biodantza.
Formatzailea: Eider Zuriarrain.
Hizkuntza: euskaraz.
Zehaztasunak: “Biodantza” musika, mugimendua eta emozioa uztartzen dituen jakintza bat da. Modu honetan, bakoitzak bere pentsamendu, sentimendu eta ekintzen kontzientzia hartzen du. Tratu onak ematen dira norberarentzat, besteentzat eta inguruan ere. Besteekiko enpatia garatzen da eta afektuan oinarritutako harremanak sortzen dira. Autoestimua hobetzen da eta maitatzeko gaitasuna handitzen laguntzen du. Adin guztietako emakumeei zuzendua dago eta ez da aurretik dantza egiteko esperientziarik behar".
Otsailak 14-martxoak 14, ostiraletan / Martxoak 20-maiatzak 22, ostegunetan
17:00-19:00 Jabetza eskolako ikastaroa: "Emakumeen osasuna heldutasunean: menopausia eta bizi-aldaketak".
Formatzailea: Pepa Bojo.
Oharra: gaztelaniaz.
Zehaztasunak: "Tailerra gure bizitzako bigarren etapa modu sortzaile eta aberasgarrian bizitzen prestatzeko pentsatuta dago, aurkituko ditugun aldaketa fisiko, psikologiko, sozial, familiar eta materialei aurre egiten ikasiz. Aurreiritziak eta mitoak ere agertzen dira, eta horiek deseraiki egin behar dira. Tailer honekin gogoeta egiteko aukera dugu: nola zahartu nahi dugun, zeren beldur garen eta zerk kezkatzen gaituen. Menopausiatik aurrera zein aldaketa agertzen diren eta batez ere, nola egin diezaiokegun aurre horri guztiari etapa hau bete-betean bizi ahal izateko".
Otsailak 17-maiatzak 26, bi astelehenetan behin
18:00-20:00 Jabetza eskolako ikastaroa: batukada feminista Udarregi ikastolan.
Hizkuntza: euskaraz.
Saioen egutegia: otsailak 17, martxoak 3, 17 eta 31, apirilak 28, maiatzak 12 eta 26, ekainak 2.
Zehaztasunak: "Musikara gerturatu eta ondo pasatzeaz gain, beste emakume batzuekin batera talde-lanean aritzeko, sormena landu eta autoestimua igotzeko. Denok garelako musika egiteko gai, baita gauza berriak sortzeko ere. Irudimena landu eta besteak entzuten ikasteko. Emakumeok kalera irten eta espazioak okupatu bitartean jendeari gozarazteko".
Izen-ematea: urtarrilaren 27tik otsailaren 7ra eman ahalko da.
Zerbitzuon hitzordua eskatzeko:
943 377 112
emakumeonetxea@usurbil.eus