Igoera fase erabakigarria jokatuko du Usurbil Kirol Elkarteko kadete mutilen taldeak bidean datorkigun asteburuan. Izan ere, Euskal Ligara igotzeko sailkapen fasea izango dute jokoan usurbildarrek urtarrilaren 24tik 26ra Trapagaranen. Herriko eskubaloi taldeen bilgunetik azaldu moduan, "fase hau, Euskadiko Ligara igarotzeko fasea da". Lau talde lehiatuko dira: etxekoak, Trapagaran taldekoak alegia, usurbildarrak eta Corazonistas, zein Basauri taldeak.
Neurketen ordutegiak zehaztu dituzte dagoeneko, Usurbil Kirol Elkartetik aditzera eman dutenez. Ostiraleko eta igandeko neurketak Trapagaraneko kiroldegian jokatuko dira; larunbatekoak, aldiz, Barakaldoko Gorostizan. Segidan dituzue xehetasunak:
Euskadiko Ligarako sailkatzeko fasea
Urtarrilak 24, ostirala
17:15 Corazonistas - Bausari
19:00 Trapagaran - Usurbil K.E. A
Tokia: Trapagaraneko kiroldegia.
Urtarrilak 25, larunbata
17:00 Basauri - Usurbil K.E. A
19:00 Corazonistas - Trapagaran
Tokia: Barakaldoko Gorostiza kiroldegia.
Urtarrilak 26, igandea
09:15 Usurbil K.E. A - Corazonistas
11:00 Trapagaran - Basauri
Tokia: Trapagaraneko kiroldegia.
Usurbil K.E.-ren kadete mutilak, Euskadiko Ligarako sailkapen fase erabakigarriaren atarian
Kadete mutilen eskubaloi taldeak Bizkaian jokatuko du asteburuan, Euskal Ligarako sailkapen fasea.