Haizeagatik abisu horian izango gara asteazken gauerdi honetatik ostegun eguerdira, Euskalmet meteorologia agentziak ohartarazi duenez. Tarte horretan, "hego-ekialdeko haize-boladek 100 km/h-ko abiadura gaindi dezakete mendi inguruetan, bereziki ekialdean; kostaldean haize-boladak 70-80 km/h ingurukoak izan daitezke. Bestalde, haizeguneak ez diren lekuetan, haize-boladak 60-80 km/h ingurukoak izan daitezke, bereziki ekialdean", Euskalmet-en arabera.
Asteazken honetako giro eguzkitsuaren ostean, ostegunean, martxoaren 6an, Usurbilen "zerua hodeitsu egongo da, erdi mailako hodeiak eta goi-hodeiak nagusi. Hego-ekialdeko haizea ibiliko da, bolada gogorrekin. Tenperatura minimoak gutxi igo eta maximoak jaitsiko dira".
Ostiralean, "zerua tarteka hodeitsu egongo da. Hego-haizea bizi ibiliko da, bolada gogorrekin. Tenperatura gutxi igoko da".
Informazio eguneratua euskalmet.eus bidez jaso ahalko duzue.
Abisu horian haizeagatik gauerditik aurrera
Hamabi orduz, haizeagatik abisu horian izango gara.