Beste bi ekintza iragarri ditu Sutegi udal liburutegiak asteotarako. Batetik, Ander Izagirreren eta Zuhaitz Gurrutxagaren "Subcampeón" liburua aurkeztuko dute. Astearterako, martxoaren 18rako iragarria bazuten ere, hilaren 21ean egingo da azkenean, Sutegi udal liburutegitik ohartarazi dutenez.
Astebete geroago, komiki tailerra zuzenduko du Ainara Azpiazu "Axpi"-k. Segidan dituzue xehetasunak:
Sutegi udal liburutegiaren deialdiak
Martxoak 21, ostirala
18:30-20:00 Ander Izagirreren eta Zuhaitz Gurrutxagaren "Subcampeón" liburuaren aurkezpen-solasaldia. Egileak bertan izango dira.
Oharra: liburua aurretik irakurri nahi dutenek, aleak eskuragarri liburutegian.
Martxoak 28, ostirala
17:30-19:00 Komiki tailerra Ainara Azpiazu "Axpi"-ren eskutik.
Zehaztasunak: "Saio honetan komiki bat egiteko oinarrizko ezagutzak eta baliabideak eskainiko dira: biñetak, bokadilloak eta beste".
Nori zuzendua: LH4tik gorako haur eta gaztetxoei (DBH barne).
Izen-ematea: aurrez, Sutegi udal liburutegian bertan.
Antolatzailea: Sutegi udal liburutegia.
Egunez aldatu dute, Ander Izagirreren eta Zuhaitz Gurrutxagaren liburu aurkezpena
"Subcampeón" liburuaren aurkezpena martxoaren 18rako iragarria bazuen ere, hiru egun atzeratu du hitzordua Sutegi udal liburutegiak.