Bart eskaini du Euskal Telebistak berriki Usurbilgo Saizar sagardotegi atarian aurkezturiko "Harri Herri" harri-jasotze txapelketaren lehen finalerdia. Emakumezkoen bi talde lehiatu dira; Ergobia eta Ibiur. Ibiur taldeko kapitaina Usurbilgo Lur Errekondo zen, Karmele Gisasola Ergobia taldekoena. Bi altxadi gehiagorekin bere taldea gailendu zaio Ergobiari; 31-29 izan da azken emaitza. Ondorioz, Ibiur "Harri Herri" txapelketako finalerako sailkatu da.
| KOADROA |
KUBIKOA |
ZILINDROA |
BOLA |
DENBORA | |
| ERGOBIA | 8 | 18 | 25 | 16 | 4:37 (+1:00) |
| IBIUR | 8 | 19 | 25 | 17 | 4:45 (+1:00) |
| HARRI BALDARRA |
|||||
| JASOALDIAK | |||||
| ERGOBIA | 29 | ||||
| IBIUR | 31 | ||||
Apirilaren 14an eskainiko du Euskal Telebistak emakumezkoen bigarren finalerdia (Ulia eta Mollari taldeen artekoa) eta final handia hilaren 27an. Tarte horretan, gizonezkoen arteko lehia ere jokatuko da. Izan ere, aurten ere 32 harri-jasotzailek hartuko dute bertan parte: gizonezkoak 16, emakumezkoak beste 16. launa taldetan lehiatuko dira, lau gizonezkoetan eta lau emakumezkoetan. Nobedadea honakoan, kapitainen aldetik dator. Emakume taldeen kapitainak ere emakumezkoak izango baitira: Elene Ostolaza, Karmele Gisasola, Naroa Arruti eta Lur Errekondo usurbildarra.
Gizonezkoak berriz, iazko berberak: Joseba Ostolaza, Zelai II, Izeta II eta Luis Mari Telleria izango ditugu berriro ere. Zortzi talde izango dira guztira, eta talde bakoitzak harri baldar baten izena izango du: Albizuri, Igeldo, Etxauri, Laukariz, Mollarri, Ibiur, Ergobia eta Ulia.
Txapelketak Zarauzko Aritzbatalde frontoia du kokaleku eta grabatu dira jada lau finalerdiak eta finala. Juanan Legorburu eta Ane Muruamendiaraz kazetariekin batera, Iñaki Perurena harri-jasotzaile ohia eta Idoia Etxeberria harri-jasotzailea arituko dira aurkezle eta aditu lanetan.
Hemen, lehiatuko diren taldeen berri:
Emakumezkoak
Ergobia:
-Kapitaina: Karmele Gisasola.
-Harri-jasotzaileak: Patricia Martin, Olaia Esnaola, Lierni Osa eta Udane Ostolaza.
Ibiur:
-Kapitaina: Lur Errekondo.
-Harri-jasotzaileak: Aroa Sanchez, Ainitze Zumeta, Sara Jimenez de Aberasturi eta Leire Olea.
Gizonezkoak
Etxauri:
-Kapitaina: Joseba Ostolaza.
-Harri-jasotzaileak: Aimar Galarraga, Hodei Iruretagoiena, Palo Azpiazu eta Iker Sojo.
Albizuri:
-Kapitaina: Luis Mari Telleria.
-Harri-jasotzaileak: Jokin Eizmendi, Gari Garmendia, Iraitz Arruti, Mikel Marijuan.