Udaberri giro beteko egunetan gara. Haizegatik abisu horian izango garela asteazken honetan, apirilaren 2an, ari da ohartarazten Euskalmet meteorologia agentzia. Zehazkiago esanda, gaur arratsaldeko 18:00etan hasi eta ostegun goizeko 9:00ak arte haizeguneetan eta 8:00ak arte haizeguneak ez diren tokietan izango da aipatu abisua indarrean. Tarte horretan, "hego-ekialdeko haize-boladek 100 kilometro orduko abiadura gaindi dezakete haizeguneetan, bereziki ekialdeko mendi inguruetan", Euskalmet-en arabera. Bestalde, 80 kilometro ordutik gorako haize-boladak izan ditzakegu haizguneak ez diren tokietan, "bereziki ekialdean".
Egunotarako iragarpena
Haizearekin batera, aldaketa eguna izango da gaurkoa. Izan ere, Euskalmet-ek iragarri duenez, atzoko egun eguzkitsuaren ostean, apirilaren bigarren egun honetan Usurbilen, "zerua hodeitsu egongo da eta arratsalde-gau partean zaparradaren bat bota dezake. Egunaren erdiko orduetan ipar-ekialdeko haizea ibiliko da, amaieran hego-ekialdekoa. Tenperatura maximoak gutxi edo nahikoa jaitsiko dira.".
Ostegunean, hilaren 3an, "zerua hodeitsu edo oso hodeitsu egongo da eta euria egin dezake noizbehinka. Hego/hego-ekialdeko haizea ibiliko da, bolada gogorrekin. Tenperatura minimoak nahikoa igoko dira, maximoetan aldaketarik ez edo gutxi jaitsiko dira.".
Ostiralean, "zerua tarteka hodeitsu egongo da, erdi mailako hodeiak eta goi-hodeiak nagusi. Baliteke euri apur bat egitea. Hego-ekialdeko haizea ibiliko da, bolada gogorrekin. Tenperatura minimoetan aldaketarik ez, maximoak nahikoa igoko dira".
Informazio eguneratua, euskalmet.eus atarian jaso dezakezue.
Haizeagatik abisu horian gaurtik
Haizeagatik abisu horian izango gara asteazken honetan, apirilaren 2an, 18:00etan hasi eta ostegun goizeko 9:00ak arte.