Otsaila erdialdetik hilabeteko epealdia izan zuten norbanako zein herri eragileek Usurbilgo Udalak eginiko dirulaguntza deialdietara eskabideak aurkezteko.
Gogoan izan, Dirulaguntza Plan Estrategikoaren baitan, 2025eko eranskinaren alde bozkatu zuen udalbatzak abenduaren 19ko osoko bilkuran. Ondorioz, guztira, aurten, 1.035.660 euro banatuko ditu dirulaguntzetan Udalak.
Hainbat egitasmo babestu asmo ditu Udalak dirulaguntza lerro hauen guztien bidez. Izan ere, etxebizitzan igogailuak instalatzeko, alokairua ordaintzen laguntzeko deialdiak egin zituen Udalak edota baita gizarte ongizateko, ingurumeneko, kirol, kultur edota nekazaritza eta abeltzaintza alorretako egitasmoak sustatzeko, lokal komertzial hutsetan jarduera ekonomiko berriak abiarazteko, Hasiz Hazi beka deialdirako, desgaitasuna edo mendekotasuna duten adin txikikoen osasun egoera hobetzeko tratamenduetarako, gizarte-bazterkeriaren aurka eragiteko edota deserrotze eta baztertze sozialeko arriskuan diren pertsonen senideak babesteko.
Ostegun honetan, maiatzaren 8an hasi da plazaratzen haietako hainbat dirulaguntza lerroren ebazpenak gaurko Gipuzkoako Aldizkari Ofizialaren bidez. Behin-behineko ebazpenak dira. Izan ere, hamar eguneko alegazio epealdian izango dira bihartik zenbatzen hasita.
Udal dirulaguntzen ebazpenak
Kultur egitasmoak garatzeko:
Egindako eskabideak: 26.
Onartutako dirulaguntza kopurua: 94.957,12 euro 93 ekintzetarako (lau ekintza laguntzarik gabe).
Informazio gehiago: maiatzaren 8ko Gipuzkoako Aldizkari Ofiziala.
Kultur sorkuntzarako:
Egindako eskabideak: 2.
Onartutako dirulaguntza kopurua: 6.000 euro.
Informazio gehiago: maiatzaren 8ko Gipuzkoako Aldizkari Ofiziala.
Ingurumeneko dirulaguntzak:
Egindako eskabideak: 4.
Onartutako dirulaguntza kopurua: 8.028,45 euro bi egitasmoetarako, beste bi egitasmo dirulaguntza ebazpenetik baztertuak.
Informazio gehiago: maiatzaren 8ko Gipuzkoako Aldizkari Ofiziala.
Etxebizitzen alokairurako dirulaguntzak:
Egindako eskabideak: 6.
Onartutako dirulaguntza kopurua: 6.000 euro bi eskatzailerentzat. Beste lau eskari baztertuak.
Informazio gehiago: maiatzaren 8ko Gipuzkoako Aldizkari Ofiziala.
Igogailuak instalatzeko dirulaguntzak:
Egindako eskabideak: 28.
Onartutako dirulaguntza kopurua: 18.800 euro 23 eskabiderentzat, beste bost eskabide baztertuak.
Informazio gehiago: maiatzaren 8ko Gipuzkoako Aldizkari Ofiziala.
Norgehiagoka erregimenekoak ez diren kirol egitasmoak garatzeko (2024ko deialdia):
-Laguntza berezietarako:
Egindako eskabideak: 2.
Onartutako dirulaguntza kopurua: 5.011,51 euro.
-Taldeetako prestakuntza teknikoetarako:
Egindako eskabideak: 0.
Onartutako dirulaguntza kopurua: 0.
-Kirolarien oinarrizko osasun miaketak egiteko:
Egindako eskabideak: 1.
Onartutako dirulaguntza kopurua: 2.550 euro.
-Eskolaz kanpoko kirol jardueretan parte hartzeko:
Egindako eskabideak: 5.
Onartutako dirulaguntza kopurua: 607,50 euro.
Informazio gehiago: apiriaren 14ko Gipuzkoako Aldizkari Ofiziala.
Aurtengo egitasmoak bideratzeko norbanako nahiz herri eragileek aurkezturiko dirulaguntza eskabideen ebazpenak plazaratzen hasi da Usurbilgo Udala.