Haur eta gaztetxoen aisialdi ereduan azken urteotan eragiten ari den Zirimara proiektuaren parte hartzaile izan nahi dutenei begirako ohar garrantzitsua segidan. Urrian abiaraziko duten 2025-26 ikasturterako izen-emate egunak finkatu dituzte. Izan ere, Zirimara egitasmoaren hurrengo ikasturtea urriaren 1ean hasi eta maiatzaren 30ean amaituko da.
Usurbilgo erdigunera, Aginagara eta Zubietara hedatuko da eskaintza hau. LH1-6 arteko gaztetxoei zuzendua egongo da, Zirimara gisa LH1-4 mailakoentzat, Zirimara Multi gisa eskainiko da LH 5-6 mailetakoentzat. Horrez gain, 0-6 urte artekoentzako Zirimara familian egitasmoa eskaintzen segiko da.
Eskaintza honetan guztian izena emateko epealdia ere finkatu dute antolatzaileek. Datorren astelehenetik, maiatzaren 12tik 23ra bideratu ahalko da izen-ematea. Tarte horretan, gainera, Zirimara hurbiletik ezagutzeko ate irekien hainbat saio antolatu dituzte. Aste honetako aldizkarian argitaraturiko iragarki honetan dituzue xehetasunak:
