Hain zuzen, Kalezarko jokalaria izan zen azken gola egin zuena. Ondorioz, hamargarren Guerreras Iberdrola Ligako titulua eskuratu du Bera Bera eskubaloi taldeak asteburuan. 24-26 irabazi zion larunbatean Atticgo Elxi taldeari. Modu honetan, taldetik bertatik gogorarazi bezalaxe, "denboraldirik onena" amaitu dute. Izan ere, "Superkopa Iberikoarekin, Koparekin eta European Leagueko final-laurdenekin" agurtuko dute 2024-25 denboraldia.
Bera Beratik neurketaren lehen zatiari buruz azaldu dutenez, erraza zirudiena uste baino zailago bilakatu zen. "Gipuzkoarrek bikain ekin diote partidari lehen bost erasoak asmatuz, Pradesek Gascaren ildo beretik jarraitu du eta super amara nagusi izan da markagailuan. Baina Atticgo Elx, Rosaren bitartez, gertu zegoen. Zazpi metroetatik Karstenek eta kanpoko jaurtiketako Ogonovszkyk abantaila txikia eman zieten donostiarrei (12-14)".
Bigarren zatian, "Bera Berak bizitasuna eman dio Elxi, eta Oppedalen golarekin aurretik jarri da. Elxek bi goleko aldea ere lortu du (17-15), baina Super Amara Bera Berak ez du etsi, defentsan estutu eta bere bigarren gola 42. Minutuan sartu du (17-16). Elxek abantaila mantendu du Figueiredorekin baina Tchaptchetek berdinketa lortu du (19-19). Arrojeriak, asmatu ezinik zegoena, berdindu egin du, eta gero fly bidez aurretik jarri du (56 ": 22-23), eta Etxeberriak – finaleko onena – Liga hurbildu (57": 22-24). Oppedalek asmatu egiten du, Karstenek erantzun egiten du, Elxeko hegalekoak gol batera jarri du baina azken presioan, Alvarezek Arrojeria ikusi du hamargarrena ziurtatzeko".
Bera Beraren goletako hiru Esther Arrojeriarenak izan ziren, bere azken denboraldikoak.
Atticgo Elxi taldeari 24-26 irabazi ostean, hamargarren Guerreras Iberdrola Ligako titulua eskuratu du Bera Bera eskubaloi taldeak, Esther Arrojeriaren agurrean.