Jaione Bengoetxea Azurmendik Ikergazteko Ingeniaritza eta Arkitektura saileko saria irabazi du. Bengoetxeak "Euskara eta gaztelaniazko kontra-narratiben sorkuntza: datuen sorrera eta eboluzioa" lanarengatik irabazi du saria.
Lan honen bidez sare sozialetan zabaltzen diren gorroto-diskurtsoei aurre egiten dien kontra-narratiben sorkuntza automatikoa aztertzen du. Itzulpen Automatikoa eta post-edizio profesionala erabiliz, euskarazko eta gaztelaniazko kontra-narratibak sortzeko programa aurkeztu du: CONAN-EUS.