"Merkatu hau aukera paregabea da outlet eta denboraldiko modako proposamenak leku berean aurkitzeko, eta, batez ere, pasioz, sormenez eta hurbiltasunez lan egiten duten ekintzaileei laguntzeko", Urbilek aditzera eman duenez. "Marka parte-hartzaileek bestelako erosketa-esperientzia bat eskainiko dute, bilduma esklusiboekin eta edizio mugatuekin". Proposamenen artean dira Vuelve Marcela, KilukaMiluka, Ele Vintage, NZB denda eta 2 UVES saltokia.
Urbil, tokikoen bidelagun
Ekimen honekin, "Urbilek bertako merkataritzarekin eta moda hurbilago, jasangarriago eta benetakoago batekin duen konpromisoa berresten du. 'Bertako Moda Merkatua' erosketa esperientzia bat izateaz gain, tokikotik ekitearen alde egiten dutenei laguntzeko modu bat ere bada".
- Ekainaren 9tik 21era, 12:00etatik 20:00etara, Urbilen.