53 bikote
Jendetza erakarri dute aurtengoan ere; antolatzaileen esanetan 53 bikotek eman dute izena Usurbilgo jaietako mus txapelketan. Ostegun arratsalde honetan, uztailaren 2an karta joko ezagunenari lotutako lehian murgildu dira Askatasuna plazan. Hein handi batean, baziren herritarrak, baina baita bisitan etorritakoak ere.
Azken urteotan, nabaria da joera bikoitz hori Usurbilgo herri nahiz auzoetako festetan antolaturiko hitzorduotan; batetik, geroz eta jendetsuagoak dira eta, bestalde, herritarrak nahiz bisitariak erakartzen ditu mus txapelketak.
Parte hartzaile kopurua tarteko, bi txanda antolatu behar izan dituzte.
Usurbilgo jaietako mus txapelketa
1-Aritz Gonzalez eta Julen Lopez.
Sariak: txapela, trofeoa, bi marisko lote, bi txuleta, bi botila ardo.
2-Joxe Ramon eta Celestino Arteaga anaiak.
Sariak: trofeoa, bi txangurru, kilo erdi bana saiheski, bi botila ardo.
3-Joxe Mari Larrañaga eta Pako Bernal.
Sariak: trofeoa, oilasko bana, bi botila ardo.
4-Mikel Aranburu eta Iñaki Aranburu.
Sariak: gazta erdi bana, bi botila ardo.
Txapelketa hasierako irudiak
