Usurbil Kirol Elkarteak berriki eginiko Julen Lejardi 2025 Kanpusaren baitan, datorren denboraldian abiarazi asmo duten Eskubaloi Eskolan izena emateko QR kode oker bat banatu zuten, akats bat tarteko. "Barkamenak eskatu behar ditugu akatsagatik eta gurasoei euren feedback-a eskertu", nabarmendu dute eskubaloi taldeen bilgunetik.
Horregatik, 2014-17 urte artean jaiotakoei zuzenduriko Eskubaloi Eskolan izena emateko epealdia luzatu dute uztailaren 13ra arte. Gogoan izan, hurrengo denboraldian, ostiralero (16:45-17:45 artean) entrenamendu saioa izango dute eta hilero partida bat. Esteka honen bidez eman ahalko da izena: https://forms.gle/uq17o-Wae2wDAkNZ1A
Bestela, albiste honen behealdean duzuen QR estekaren bidez baita. Argibide gehiago behar dituenak idatzi dezala, usurbilkirolelkartea@gmail.com helbidera.
Hurrengo 2025-26 kirol urterako eskubaloi eskolan izena emateko aukera izango da oraindik igandera arte, uztailaren 13ra arte.