"Maialen Sanchez eta Naia Pacheco dira lehen fitxaketak", berri eman dute.
Sanchez urnietarra da. "Hamar urte nituenetik eskubaloian jolasten aritu naiz, Urnietako UKEn hasi nintzenetik. Urte hauetan guztietan, eskubaloia izan da nire pasio handienetako bat, entrenamenduetan zein partidetan gozatzeko aukera eman didan jarduera". Postu ezberdinetan jokatu arren, lehen lerroa da "erosoen sentitzen den tokia".
Naia Pacheco, "11 urterekin hasi zen Urnietan eskubaloian jokatzen. "Kirol honek asko gozatzeko eta jende ugari ezagutzeko aukera eman dit, bai entrenamenduetan, bai partidetan. Zer esanik ez, eskubaloia nire zaletasunean bihurtu da urteak pasa ahala. Urte hauetan zehar, batez ere hegaleko moduan jokatu izan dut eta han oso eroso sentitzen naiz", adierazi du Maialenek.
Bigarren urtez segidan Urnietan ez da talderik osatu. Horregatik, "nire helburu nagusia kirol honetaz gozatzen jarraitzea eta esperientzia berriak ikasten jarraitzea denez, ilusioz beteta nago etapa berri hau Usurbilen hasteko", gaineratu du Usurbil K.E. bidez, Sanchezek.
Denboraldi berrirako bere erronkak "pertsonalki eta talde bezala hobetzea, ahal dugun hoberen jokatzea" dira, "baina beti eskubaloiaz gozatzen jarraituz, eta bide batez, jende berria ezagutuz".
Taldearen entrenatzaile Jose Lorenzok Usurbil K.E. bidez Sanchezi buruz adierazi duenez, bere "indargune nagusien artean abiadura eta partidetan, nahiz eta gauzak gaizki joan, beti gogoarekin jokatzen duela da", beti ere, "etsi gabe".
Pachecori buruz gaineratu duenez, "defentsa du indarguneetako bat, baina taldekideei erasoan ere laguntzen die. Motibazio alorrean ere laguntzeagatik ezagun da, batez ere gauzak ondo ez doazenean".
Gipuzkoako Kopako txapeldun amaitu zuen 2024-25 denboraldia ekaina hasieran, Usurbil Kirol Elkarteko senior nesken taldeak. Kirol urte berrira begira, fitxaketekin taldea indartu asmo dutela jakinarazi du eskubaloi taldeen bilguneak.