2025. urteko azken txanpara heltzen goazen honetan, urte berriko udal aurrekontuak onartu aurretik, zerga, tasa eta prezio publikoak arautzen dituzten ordenantza fiskalak hasieraz bozkatzeko ezohiko osoko bilkuran elkartuko da udalbatza, asteazkenean, urriaren 8an, arratsaldeko 18:00etan.
%2,6ko igoera
Gogoan izan, iazko urriaren 10ean hasieraz onartu eta urte amaierarako behin betiko onartu zituen Usurbilgo Udalak, urte hasiera honetatik, indarrean diren 2025eko ordenantza fiskalak. Hala jakinarazi zuen Udalak abenduaren 13ko Gipuzkoako Aldizkari Ofizialaren bidez.
KPI-aren abuztuko %2,6ko igoera orokorra aplikatzea hobetsi zuten, salbuespen berriekin. Besteak beste, hondakinen tasak %15 igo edota etxe hutsei %150eko errekargua aplikatu edota Kirolari Txartela sortzea onartu zuten. Maiatzean eginiko osoko bilkuran, hiru aldaketa txertatzea onartu zuen udalbatzak aho batez, hirurak kirol zerbitzuei lotutakoak.
Batetik, kiroldegiko ikastaroen prezioak eguneratzea onartu zuten, legealdi honetan eskualdeak progresiboki igotzeko konpromisoa hartu ostean. Bigarrenik, kiroldegiko bertako sarrera eta zerbitzuen prezioetan zegoen akatsa zuzentzea ere onartu zuten bidez batez. Azkenik, eskaera ugaritzen doala ikusita, Udalak beharrezkotzat ikusi zuen igerilekuko kaleak alokatzea arautu eta horri prezioa ezartzea.
Egutegi fiskala
Aurtengo ordenantza fiskaletan, urte honetarako tasa, zerga eta prezio publikoen xehetasunak definituak ditu Udalak baita noiz zer ordaindu beharko den ere; hau da, 2025eko egutegi fiskala, segidan duzuena.
Urtarrilean hasi eta abendura arte hilabetez hilabete ordaindu beharreko zerga eta tasen zerrenda biltzen du egutegi horrek eta haren ondoan, horiek ordaintzeko Udalak finkatua duen epealdia. Haietako hainbat hiru hilean behin ordaindu beharrekoak izango dira; asteroko merkatuaren erabilpen edota ura, estolderia eta hondakinei lotutako tasen kasuan. Hilero ordaindu beharrekorik ere izango da; Haur Eskolaren kuotaren kasuan. Gainerakoak, urtean behin ordaindu beharrekoak izango dira. Hemen, 2025eko egutegi fiskala osorik:
2025eko egutegi fiskala
|
Zerga / Tasa |
Ordain epea |
|
Asteroko merkatuaren erabilpen tasa - aurreko urteko 4. hiruhilekoa |
Urtarrilaren 2tik 31ra |
|
Ura, estolderia eta hondakinak - aurreko urteko 4. hiruhilekoa |
Otsailak 1etik martxoak 1era |
|
Trakzio mekanikozko ibilgailuen zerga |
Martxoak 1etik apirilak 15era |
|
Asteroko merkatuaren erabilpen tasa - urteko 1. hiruhilekoa |
Apirilak 1etik maiatzak 2ra |
|
Ura, estolderia eta hondakinak - urteko 1. hiruhilekoa |
Maiatzak 2tik ekainak 3ra |
|
Ondasun higiezinen gaineko zerga |
Maiatzak 15etik uztailak 1era |
|
Asteroko merkatuaren erabilpen tasa - urteko 2. hiruhilekoa |
Uztailak 1etik abuztuak 1era |
|
Ura, estolderia eta hondakinak - urteko 2. hiruhilekoa |
Abuztuak 1etik irailak 2ra |
|
Espaloian zehar ibilgailuak sartzea (badoa) |
Irailak 2tik urriak 1era |
|
Ekonomi jarduera gaineko zerga |
Urriak 1etik azaroak 1era |
|
Asteroko merkatuaren erabilpen tasa - urteko 3. hiruhilekoa |
Urriak 1etik 31ra |
|
Ura, estolderia eta hondakinak - urteko 3. hiruhilekoa |
Azaroak 1etik abenduak 2ra |
|
Bide publikoaren erabilera pribatibo edo aprobetxamendu bereziagatik tasa (beladoreak, kutxazain automatikoak...) |
Azaroaren 1etik 29ra |
|
Emakida administratiboak (Atxega jauregia, udal baratzak...) |
Azaroaren 1etik 29ra |
|
Haur Eskolaren hezkuntza zerbitzua |
Hilaren 5ean (hilero) |