Txalaparta eta haren bueltako kulturak hartu du gaurkoan Usurbilgo herri bizitzaren erdigunea. Txalaparta Festa ederra ospatu da egun osoan zehar. Hasteko, goizean, txalaparta ukitu, probatu eta erabiltzeko aukera eskaini dute. Ikastaroen bidez trebatzen dihardutenek nahiz esperientziadunek ere saio ederrak eskaini dituzte.
Txalaparta doinuei batu zaizkie beste hainbat instrumenturenak eta haiekin Mikel Laboa plazan hasitako jai giroa Saizar sagardotegiraino lekuz aldatu dute eguerdian. Bertan bazkari girotua izan dute, Zuaznabar eta Zabalegi sendiek txalaparta joz eginiko harrerarekin.
Kontzertu ibiltarien txanda izan da arratsaldean. Artzabalgo plazan lehenik, Mikel Laboa plazan gero, Malkoak TX eta Talka taldeen emanaldiez gozatzeko aukera izan da. Jaialdia borobiltzeaz arduratu dira, azkenik, Dema plazan, Juan Mari Beltran eta bere taldeko kideak.
#Usurbil Juan Mari Beltranek eta kideek eskainitako kontzertu ederrarekin borobildu berri dute aurtengo Txalaparta Festa: pic.twitter.com/3cbUF3ouNN
— noaua (@noaua) October 18, 2025
#Usurbil Txalaparta Festa amaieran, baina goizeko energia berari eusten. Kontzertu ibiltarien uneetako bat hemen, Juan Mari Beltran eta kideen kontzertua hasi aurretik: pic.twitter.com/M9NQUVZvTU
— noaua (@noaua) October 18, 2025
#Usurbil Txalaparta Festa Saizar sagardotegira heldu da! Trebetasun handiko aurpegi ezagunek egin dute otordurako harrera: pic.twitter.com/X9EzAzPZbi
— noaua (@noaua) October 18, 2025
#Usurbil Txalaparta Festa betean! Txalaparta erdigunean, musika instrumentu gehiagoz inguratua. Herri erromeria oraintxe Mikel Laboa plazan: pic.twitter.com/OhbUqxdn4N
— noaua (@noaua) October 18, 2025
#Usurbil Txalaparta Festa betean! Txalaparta erdigunean, musika instrumentu gehiagoz inguratua. Herri erromeria oraintxe Mikel Laboa plazan: pic.twitter.com/OhbUqxdn4N
— noaua (@noaua) October 18, 2025
#Usurbil Txalaparta Festa abian! pic.twitter.com/DWER1JoBPp
— noaua (@noaua) October 18, 2025